बेळगाव : बेळगाव जिल्ह्यातील कित्तूर तालुक्यात एका बनावट डॉक्टरच्या बागेत तीन भ्रूणांचे अवशेष आढळून आले आहेत.
जिल्ह्यातील कित्तूर शहरात बनावट वैद्यकीय व्यवसाय करणारा आरोपी अब्दुल लडाखन हा भ्रूणहत्येत सहभागी होता. या प्रकरणी तालुक्यातील तिगाडोली गावातील एका फार्महाऊसच्या आवारात पुरलेल्या तीन भ्रूणांचे अवशेष पोलिसांना सापडले आहेत.
रविवारी बेळगाव जिल्हा वैद्यकीय अधिकारी डॉ. महेश कोणी, एसी प्रभावती पाकिरापुरा, बैलाहोंगलचे डीवायएसपी रवी नाईक यांच्या पथकाने तालुक्यातील तिगाडोली गावात ही कारवाई केली.
या प्रकरणी बनावट डॉक्टर अब्दुल लडाखन याने चौकशीदरम्यान गर्भ दफन केल्याची कबुली दिली. माहितीच्या आधारे पोलिसांना तीन भ्रूणांचे अवशेष सापडले असून नवजात अर्भकांची विक्री आणि भ्रूणहत्या प्रकरणी पाच जणांना अटक करण्यात आली आहे.
