अल्पवयीन मुलीशी लग्न केल्याप्रकरणी पोक्सो कायद्यान्वये गुन्हा दाखल करण्यात आलेल्या चिकोडी तालुक्यातील फरार पतीला खडकलाट पोलिसांनी अटक केली आहे. दरम्यान, गुरुवारी त्याला बेळगावच्या विशेष न्यायालयात हजर केले असता त्याची रवानगी हिंडलगा जेलमध्ये केल्याची माहिती सीपीआय बी. एस. तळवार यांनी दिली.
ही घटना मंगळवारी उपडकीस आली होती. गोकाक तालुक्यातील अल्पवयीन मुलीशी अटकेतील व्यक्तीने दोन वर्षांपूर्वी मेंढपाळ व्यवसायाच्या माध्यमातून ओळख करून विवाह केला होता. त्यानंतर ती गर्भवती राहिल्याने निपाणी सीडीपीओ कार्यालयातर्फे दिलेल्या फिर्यादीनुसार पोलिसांनी त्याच्यावर बुधवारी रात्री गुन्हा दाखल केला होता.
