खानापूर: होळी निमित्ताने श्री रामलिंग देव क्रिकेट संघ, कांजळे यांच्या सौजन्याने मौजे कांजळे (ता. खानापूर, जि. बेळगाव) येथे ‘एक गाव, एक संघ’ या संकल्पनेतून ग्रामीण क्रिकेट स्पर्धेचे आयोजन करण्यात आले आहे. ही भव्य क्रिकेट स्पर्धा शनिवार, दि. 15 मार्च 2025 रोजी सकाळी 9.00 वा. सुरू होणार आहे.
ही स्पर्धा कवळे इनाम, कांजळे, ता. खानापूर येथे खेळवली जाणार असून, प्रत्येक संघासाठी 6 षटकांचे सामने ठेवण्यात आले आहेत. स्पर्धेत भाग घेण्यासाठी प्रवेश फी ₹1200/- ठेवण्यात आली आहे.
स्पर्धेतील विजेत्यांसाठी आकर्षक बक्षिसे ठेवण्यात आली आहेत. पहिले बक्षिस ₹15,001/- व चषक, तर दुसरे बक्षिस ₹7,777/- व चषक असेल. तसेच अंतिम सामन्यासाठी उत्कृष्ट खेळाडूंना ‘सर्वोत्कृष्ट गोलंदाज’ (Best Bowler) आणि ‘सर्वोत्कृष्ट फलंदाज’ (Best Batsman) साठी विशेष चषक देण्यात येईल.
स्पर्धेसाठी काही नियम व अटी ठरवण्यात आल्या आहेत. पंचाचा निर्णय अंतिम व बंधनकारक असेल. एकदा भरलेली प्रवेश फी परत मिळणार नाही. खेळताना झालेल्या दुखापतीसाठी मंडळ जबाबदार राहणार नाही. ‘एक गाव, एक संघ’ या तत्वावर संघ तयार करावा लागेल आणि ही स्पर्धा फक्त ग्रामीण भागासाठी मर्यादित असेल. तसेच इतर काही नियम व अटी मंडळाकडे राखून ठेवण्यात आल्या आहेत.
स्पर्धेत भाग घेण्यासाठी इच्छुक संघांनी लवकरात लवकर नोंदणी करावी. अधिक माहितीसाठी खालील क्रमांकावर संपर्क साधावा. 📞 9380625474 | 7499994303 | 8722743018 | 9164069587.
व्यवस्थापक: श्री रामलिंग देव क्रिकेट संघ, कांजळे, ता. खानापूर, जि. बेळगाव.
