खानापूर: दरवर्षी प्रमाणे शिरोली येथील जागृत हनुमान मंदिरात दक्षिण गोवा येथील पायी वारी दिंडीचे स्वागत व महाप्रसादाचे आयोजन करण्यात आले होते.
आषाढ महिन्याच्या शुद्ध पक्षातील एकादशीला आषाढी एकादशीला ‘पाऊले चालती पंढरीची वाट….’ असं म्हणत दरवर्षी लाखो वारकरी आपल्या लाडक्या विठुरायाला भेटण्यासाठी तन-मन-धन अर्पण करत पायी पंढरपूरची वाट चालत असतात. अशीच एक पायी दिंडी दक्षिण गोव्याहून शिरोली येथे पोहचली असून दिंडीचे गावकऱ्यांतर्फे मनोभावे स्वागत व सेवा करण्यात आली.
शिरोली गावातील नागरिक व तरुण दरवर्षी स्वखर्चाने या दिंड्यांचे मनोभावे स्वागत पूजन भजन करतात व मिळून मिसळून त्यांची राहण्याची व खाण्याची सोय करतात. त्याच प्रमाणे गावात अवघी पंढरी अवतरते सर्व गावकरी भजनात भाग घेत दिंडीला पुढे पाठवतात.
khanapur taluka news
बेळगांव न्युज
खानापूर न्युज
