भाजपला 240 जागांवर विजय मिळाला असून सत्ता स्थापनेसाठी आवश्यक असलेला बहुमताचा 272 चा आकडा पार करण्यासाठी मित्रपक्षांच्या मदतीची गरज आहे. PM Modi’s swearing
एनडीएने बहुमताचा आकडा ओलांडून 292 जागांवर विजय मिळवल्याने नरेंद्र मोदी 8 जून रोजी सलग तिसऱ्यांदा पंतप्रधानपदाची शपथ घेण्याची शक्यता आहे. एनडीएने सरकार स्थापन केल्यास माजी पंतप्रधान जवाहरलाल नेहरू यांच्यानंतर तिसऱ्यांदा सत्ता राखणारे मोदी हे दुसरे नेते असतील. Lok Sabha election results
लोकसभा निवडणुकीच्या निकालाचा आढावा घेण्यासाठी पंतप्रधान नरेंद्र मोदी यांनी केंद्रीय मंत्रिमंडळाची बैठक घेतली आणि पुढील सरकार स्थापनेशी संबंधित मुद्द्यांवर ही चर्चा केली, अशी माहिती सूत्रांनी दिली.
पंतप्रधान निवासस्थानी सकाळी साडेअकरा वाजता ही बैठक सुरू झाली. मोदी 2.0 कॅबिनेट आणि मंत्रिमंडळाची ही शेवटची बैठक आहे. सध्याची लोकसभा बरखास्त करण्याची शिफारसही मंत्रिमंडळ करणार असून त्याचा कार्यकाळ 16 जून रोजी संपत आहे.
दरम्यान, दुपारी चार वाजता होणाऱ्या युतीच्या बैठकीसाठी एनडीएचे वरिष्ठ नेते दिल्लीत दाखल होऊ लागले आहेत. एनडीएचे नेते सरकार स्थापनेच्या तपशीलांवर चर्चा करण्याची शक्यता आहे.
जेडीयू नेते आणि बिहारचे मुख्यमंत्री नितीश कुमार Bihar Chief Minister Nitish Kumar आणि तेलुगू देसम पक्षाचे अध्यक्ष चंद्राबाबू नायडू Telugu Desam Party president Chandrababu Naidu या बैठकीला उपस्थित राहणार आहेत.
सूत्रांनी दिलेल्या माहितीनुसार, मोदी 3.0 मंत्रिमंडळासाठी भाजपच्या मित्रपक्षांनी आपल्या मागण्या भाजपकडे पाठवण्यास सुरुवात केली आहे. जदयूने कॅबिनेटच्या 3, एकनाथ शिंदे शिवसेनेच्या गटाने 1 कॅबिनेट आणि 2 राज्यमंत्रिपदाची मागणी केली आहे.
चिराग पासवान यांच्या नेतृत्वाखालील लोकजनशक्ती पार्टी (रामविलास) Lok Janshakti Party (Ram Vilas) एक कॅबिनेट आणि एका राज्यमंत्रिपदासाठी दबाव आणण्याची शक्यता आहे.हम (एस) चे प्रमुख जीतम राम मांझी यांना नवीन सरकारमध्ये कॅबिनेट पद हवे आहे.
