खानापूर: तालुक्याच्या शिरोली पंचायत हद्दीतील अनेक गावांना जोडणाऱ्या रस्त्यांची दयनीय अवस्था झाली आहे. यंदाच्या मुसळधार पावसामुळे जामगाव गावचा रस्ता पूर्णपणे खचून गेला असून ठिकठिकाणी मोठ मोठे खड्डे व चिखल साचला आहे. हा रस्ता खराब झाल्याने गावात बस व इतर वाहनांना येण्या जाण्यास मोठी कसरत करावी लागत आहे. याचबरोबर गावातील विद्यार्थी व नागरीकांना गावाबाहेर जाण्यास देखील त्रास सहन करावा लागत आहे.
हे सर्व पाहून गावकऱ्यांनी प्रशासनाची वाट न पाहता स्वखर्चाने व श्रमदानाने या रस्त्याची डागडुजी करून सध्या रस्ता वाहतुकीस योग्य करून घेतला आहे.
यावेळी गावातील अप्पू गावकर, मारुती गावकर, रामा कणकुमकर, नारायण गावकर आदी उपस्थित होते.
Jamgav Khanapur
Shiroli Panchayat Area
