खानापूर: खानापूर-बेळगाव महामार्गावरील वासकरवाडी जवळील नवीन आयटीआय कॉलेज जवळ दुचाकी-कारचा मोठा अपघात घडला असून यात दुचाकीस्वार जागीच ठार झाला आहे. तर कार मधील एक ठार तर चार जन जखमी झाले आहेत.
मिळालेल्या माहितीनुसार खानापूर बायपास वरून दुचाकी मुख्य रस्त्याला जात असताना हायवेवरून भरधाव येणाऱ्या कारने दुचाकीला धडक दिल्याने दुचाकीस्वार आणि दुचाकी 200 मीटर जाऊन बाजूच्या झाडांमध्ये पडली आणि दुचाकीस्वाराचा जागीच मृत्यू झाला. कार देखील चार वेळा उलटी झाल्याने कारमधील चार जन जखमी झाले असून एकाला बेळगाव या ठिकाणी उपचारासाठी नेत असताना त्याचा वाटेतच मृत्य झाला. मयत दुचाकी स्वार रमेश अशोक पाटील असून हा रायबाग बेकवाड येथील असून तो सगुणा पोल्ट्री फार्म कंपनीमध्ये टेक्निशियन म्हणून काम करत होता. सदर कार महेंद्रा SUV500 गाडी नंबर KA22 ML 6970 महंतेश नगर बेळगाव येथील असून मुजाहित अहमद असे गाडी मालकाचे नाव आहे.
सदर घटना समजताच काही समाज सेवकांनी एम्बुलेंस बोलवून जखमींना बेळगाव येथे पाठवले आहे. अपघाताची बातमी आमदार श्री विठ्ठलराव हलगेकर यांना समजताच त्यांनी देखील घटनास्थळी तातडीने भेट दिली. खानापूर पोलिस गिरीश एम, बिराजदार, पिएसाय चनबसपानवर यांनी घटनेचा पंचनामा केला असून अधिक तपास सुरु आहे.
