खानापूर: बेळगाव-पणजी महामार्गावरील होनकल क्रॉसजवळ सोमवारी (दि. २०) दुपारी कारने दुचाकीला धडक दिल्याने एकजण गंभीर जखमी झाला आहे.
या अपघातात तिंबोळी रामनगर येथील शंकर पाऊसकर (वय ३६) गंभीर जखमी झाले. त्यांना तत्काळ बेळगाव येथील खासगी रुग्णालयात उपचारासाठी दाखल करण्यात आले आहे.
घटनास्थळावरील माहिती:
होनकल क्रॉसजवळील बेळगाव-पणजी महामार्गावर दुचाकीस्वाराने दुभाजक ओलांडून रस्ता पार करण्याचा प्रयत्न केला. त्याचवेळी जीजे १८ बीडी १४५६ क्रमांकाच्या कारने दुचाकीला जोरदार धडक दिली. धडकेमुळे दुचाकीस्वार शंकर पाऊसकर कारसमोर पडले. या अपघातात त्यांच्या डोक्याला गंभीर इजा होऊन अतिरक्तस्त्राव झाला.
अपघातानंतर शंकर पाऊसकर यांना तातडीने खानापूर सरकारी रुग्णालयात नेण्यात आले. मात्र, प्रकृती गंभीर असल्यामुळे पुढील उपचारांसाठी त्यांना बेळगाव येथे हलविण्यात आले.
