लोंढा: माजी विद्यार्थ्यांकडून हायस्कूलला स्मार्ट बोर्ड भेट
खानापूर तालुक्यातील लोंढा येथे कार्यक्रम
१९७९-८० बॅचच्या एस.एस.एल.सी. विद्यार्थ्यांची पुढाकार
लोंढा हायस्कूलमध्ये स्मार्ट क्लासची सुविधा
विद्यार्थ्यांच्या योगदानातून शाळा डिजिटल युगात
खानापूर तालुक्यातील लोंढा एज्युकेशन सोसायटी संचलित प्रौढशाळेला १९७९-८० च्या बॅचमधील माजी विद्यार्थ्यांनी स्मार्ट बोर्ड भेट दिला. गुरुवारी झालेल्या कार्यक्रमात या स्मार्ट बोर्डसह स्मार्ट क्लासचे उद्घाटन करण्यात आले.
कार्यक्रमाची सुरुवात संस्थेचे अध्यक्ष अशोक नेसरिकर आणि मीलिंद सावंत यांनी गणेश व सरस्वती मूर्ती पूजन करून केली. त्यानंतर माजी विद्यार्थी प्रकाश पंडित यांनी दीपप्रज्वलन केले. अध्यक्षस्थान अशोक नेसरिकर यांनी भूषविले. स्मार्ट बोर्डचे रिबीन कापून उद्घाटन माजी विद्यार्थी मीलिंद सावंत आणि प्रकाश पंडित यांनी केले.
या प्रसंगी माजी विद्यार्थी भरत हांडी, डोलारी गावडे, कल्पना साळुंखे, सुरेखा पाटील यांच्यासह अनेक माजी विद्यार्थी उपस्थित होते. शाळेतर्फे सर्व माजी विद्यार्थ्यांचा सत्कार करण्यात आला.
कार्यक्रमात लोंढा प्रौढशाळा आणि इंदिरा विद्यालयातील दहावीचे विद्यार्थी, शिक्षक तसेच शाळा सुधारणा समितीचे सदस्य सहभागी झाले होते. सूत्रसंचालन नारायण गावडे यांनी केले, तर शेवटी एन.डी. पाटील यांनी आभार मानले.
