लोंढा : लोंढा येथून रामनगरकडे जात असताना दुचाकीवरून पडून खानापूर तालुक्यातील मुंडवाड येथील आशा कार्यकर्त्या लक्ष्मी झरंबेकर (वय ४५) यांचा दुर्दैवी मृत्यू झाला आहे.
रामनगर जवळील पटेल हार्डवेअर समोर सोमवारी सायंकाळी सहाच्या सुमारास हा अपघात झाला. झरंबेकर लोंडा प्राथमिक आरोग्य केंद्रातील बैठकीला उपस्थित राहून गावी परतत असताना त्यांना दुचाकीवरून लिफ्ट देण्यात आली. दुर्दैवाने ती खाली पडली आणि तिच्या डोक्याला गंभीर दुखापत झाली.
रामनगर शासकीय रुग्णालयात दाखल करूनही पुढील उपचारासाठी बेळगावला नेत असताना वाटेतच तिचा मृत्यू झाला. त्यानंतर तिचा मृतदेह खानापूर शासकीय रुग्णालयात ठेवण्यात आला.
याप्रकरणी रामनगर पोलिस ठाण्यात गुन्हा दाखल करण्यात आला असून पुढील तपास सुरू आहे.
