खानापूर: कापोली केजी येथे सालाबादप्रमाणे ग्रामदेवता श्री माऊली देवीचा यात्रोत्सव रविवार, 2 फेब्रुवारीपासून गुरुवार, 6 फेब्रुवारीपर्यंत आयोजित करण्यात आला आहे. यात्रोत्सवाच्या निमित्ताने मंगळवार, 4 फेब्रुवारी रोजी दुपारी 12 ते 3 या वेळेत महाप्रसादाचे आयोजन करण्यात आले आहे. तसेच 3 फेब्रुवारीपासून हाफ पीच क्रिकेट स्पर्धेचे आयोजन करण्यात आले आहे.
मंगळवारी रात्री 9 वाजता ‘गाथा शिवरायांची’ हा सांस्कृतिक कार्यक्रम आयोजित केला आहे. गुरुवारी, 6 फेब्रुवारी रोजी यात्रेची सांगता होणार आहे. सर्व भाविकांनी या यात्रोत्सवात सहभागी होऊन त्याची शोभा वाढवावी, असे आवाहन करण्यात आले आहे.
