खानापूरच्या शाहूनगर विद्यानगर परिसरात जमीन वादातून दोन गटांमध्ये भीषण मारामारी झाली. ही घटना मोबाईलमध्ये कैद झाली असून, या घटनेदरम्यान 6 जण जखमी झाल्याचे सांगण्यात येत आहे.
जमीन वादाचे कारण:
सिरॅमिक कारखान्याच्या वर्क्सतर्फे 138 प्लॉट बाबत न्यायालयाचा आदेश होता. त्यानुसार गेल्या पाच दिवसांपासून कारखान्याचे कर्मचारी जमीन स्वच्छ करत होते. याच दरम्यान, काही लोकांनी कारखान्याच्या कर्मचाऱ्यांवर हल्ला केला.
6 पेक्षा अधिक लोक जखमी:
मिळालेल्या माहितीनुसार खानापूरच्या विद्यानगरमधील संदीप पाटील आणि परशुराम अंकुश पाटील या दोघांना गंभीर जखमा झाल्या असून त्यांना तातडीने बेळगावच्या बीएम्स रुग्णालयात दाखल करून उपचार सुरू आहेत.
या हल्ल्यात एकूण 6 पेक्षा अधिक जण गंभीर जखमी झाले असून जखमींना तात्काळ रुग्णालयात दाखल करण्यात आले आहे.
50 पेक्षा अधिक लोकांचा हल्ला:
या नागरिकांवर अचानक 50 पेक्षा अधिक लोकांनी हल्ला चढवला. या हल्ल्यासाठी क्रिकेट बॅट, लाठ्या, दगड आणि विटांचा वापर करण्यात आला. ही घटना खानापूर पोलिस स्टेशन हद्दीत घडली
