कारवार, 07 ऑगस्ट : उत्तर कन्नड जिल्ह्यातील अंकोला येथील शिरूर भूस्खलन प्रकरणाची आठवण पुसण्यापूर्वीच जिल्ह्यात आणखी एक दुर्दैवी घटना घडली आहे. कारवार आणि गोव्याला जोडणारा काळी नदीचा पूल रात्री एक वाजता कोसळला असून ट्रकचालकाची सुटका करण्यात आली आहे.
कोडीबागयेथील काली नदीवरील 41 वर्षे जुना पूल रात्री कोसळला. एक ट्रक तामिळनाडू मार्गे पुलावरून जात असताना हा पूल कोसळला. ट्रक चालक नदीत पडला आणि स्थानिकांनी त्याला वाचवले.
राष्ट्रीय महामार्गावर बांधण्यात आलेला हा पूल कारवार आणि गोव्याला जोडणारा होता. जुना पूल कोसळल्याच्या पार्श्वभूमीवर उत्तर कन्नडच्या उपायुक्तांनी नव्या पुलाची गुणवत्ता तपासणीकरण्याचे आदेश दिले आहेत. एनएचएआयला पुलाच्या गुणवत्तेचा अहवाल सादर करण्यास सांगण्यात आले आहे.
स्थानिकांनी दिलेल्या माहितीनुसार, जुना पूल तीन ठिकाणी कोसळला आहे.
एकीकडे पूल पूर्णपणे कोसळून काळी नदीत कोसळला. पूल कोसळल्याचे फोटो सोशल मीडियावर व्हायरल होत आहेत.
