बेंगळुरू : राज्यभरात डेंग्यूतापाचे रुग्ण झपाट्याने वाढत असल्याने कर्नाटक सरकारने त्याला महामारी म्हणून घोषित केले आहे. राज्यात डेंग्यूचा प्रादुर्भाव रोखण्यासाठी कडक उपाययोजना करण्याच्या सूचना राज्य सरकारने आरोग्य अधिकाऱ्यांना दिल्या आहेत.
आरोग्य विभागाने जाहीर केलेल्या आकडेवारीनुसार, कर्नाटकात डेंग्यूचे २५,४०८ रुग्ण आढळले असून मृतांचा आकडा १२ वर पोहोचला आहे. बेंगळुरूमध्ये डेंग्यूचे सर्वाधिक रुग्ण असून ११ हजारांहून अधिक पॉझिटिव्ह रुग्ण आढळले असून त्यात तीन जणांचा मृत्यू झाला आहे. मंड्या, हसन, म्हैसूर आणि कलबुर्गी सारख्या इतर भागातही रुग्णांची संख्या लक्षणीय आहे.
घराभोवती डासांची उत्पत्ती आढळल्यास दंड करण्याचा इशारा आरोग्य विभागाने घरमालकांना दिला आहे. मालकांनी परिसर स्वच्छ न ठेवल्यास शहरी भागात ४०० रुपये तर ग्रामीण भागात २०० रुपये दंड वसूल केला जाणार आहे. व्यावसायिक भागात शहरी भागात एक हजार रुपये आणि ग्रामीण भागात पाचशे रुपये दंड आकारण्यात येणार आहे.
डासांची उत्पत्ती रोखण्यासाठी पाणी भरलेले डबे, उघडे संप किंवा ओव्हरहेड टँक झाकण किंवा कोणत्याही साहित्याने झाकणे किंवा सुरक्षित ठेवणे सुनिश्चित करावे, असे अधिसूचनेत म्हटले आहे. पाणी साचणे आणि डासांची उत्पत्ती रोखण्यासाठी घनकचऱ्याची विल्हेवाट लावावी असेही म्हंटले आहे.
Karnataka reports 24,408 dengue cases, death toll rises to 12
Karnataka declares dengue an epidemic, to penalise erring house owners
