बेळगाव: हुक्केरी तालुक्यातील बेनकौळी गावाजवळील घटप्रभा नदीत कार कोसळून एका व्यक्तीचा मृत्यू झाल्याची दुर्दैवी घटना घडली.
दड्डी गावातील किरण नावाच्या व्यक्तीचा या अपघातात मृत्यू झाला आहे. किरण मारुती इको कारने प्रवास करत होता. यमकनमर्डीहून बेळगावच्या दिशेने जात असताना कारवरील नियंत्रण सुटले आणि ती थेट घटप्रभा नदीत कोसळली.
ही घटना मंगळवारी संध्याकाळी किंवा रात्री घडल्याचा अंदाज व्यक्त केला जात आहे. अपघातात कार नदीत अडकली होती, ज्यामुळे किरणचा मृत्यू झाला. यमकनमर्डी पोलिसांनी घटनास्थळी पोहोचून तपास सुरू केला आहे.
