मोलेम: गोवा पोलिसांनी सोमवारी सकाळी मोलम चेक पोस्टवर कारवाई करत बिफ तस्करीचा पर्दाफाश केला. कर्नाटकमधून बेळगाव भागातून काही लोक बेकायदेशीरपणे कारमधून बिफ तस्करी करत होते.
पोलिसांनी गाडी थांबवून तपासणी केली असता, गाडीत 400 किलो बिफ सापडले. गाडीच्या आत मासाचा वास येत असल्याने पोलिसांना संशय आला होता. यामुळे या वाहतुकीचा पर्दाफाश झाला.
या प्रकरणात पोलिसांनी दोन जणांना अटक केली असून पुढील तपास सुरू आहे.
