खानापूर: खानापूर-जांबोटी मार्गावरील शिवाजीनगर रेल्वे पुलाजवळ आज, शुक्रवार, २५ ऑक्टोबर २०२४ रोजी संध्याकाळी दोन दुचाकींचा भीषण अपघात झाला, ज्यात एका व्यक्तीचा जागीच मृत्यू झाला तर दोन जण गंभीर जखमी झाले.
नागुर्डा येथील अमोल खोबान्ना पाखरे (वय २७) हे आपल्या होंडा शाइन दुचाकीवरून गावाकडे जात असताना, रामगुरवाडीचे शंकर धाकलु गुरव (वय ३५) हे आपल्या काका रवळू गुरव (वय ६५) यांच्यासह खानापूरकडे येत होते. रेल्वे पुलाजवळ दोन्ही दुचाकी एकमेकाला धडकल्या. या अपघातात शंकर गुरव यांचा जागीच मृत्यू झाला, तर त्यांचे काका रवळू गुरव आणि अमोल पाखरे गंभीर जखमी झाले. खानापूरच्या सरकारी दवाखान्यात त्यांच्यावर प्राथमिक उपचार करून पुढील उपचारासाठी बेळगावला पाठवण्यात आले असून, डॉक्टरांच्या माहितीनुसार दोघांची प्रकृती चिंताजनक आहे.
घटनेची माहिती मिळाल्यानंतर खानापूरचे आमदार विठ्ठलराव हलगेकर, सामाजिक कार्यकर्ते भरमाणी पाटील आणि भाजपा युवा नेते पंडित ओगले यांनी सरकारी दवाखान्यात जाऊन मृतकाच्या नातेवाईकांचे सांत्वन केले.
